2025 жылдың 18–21 маусым күндері Семей қаласында жалпы білім беретін ұйымдардың 8–11 сынып оқушылары арасында өткен XXVI республикалық «Абай оқулары» шығармашылық байқауы биыл ерекше форматта – халықаралық деңгейде ұйымдастырылды.

Ұлы ақын, кемеңгер ойшыл Абай Құнанбайұлының 180 жылдық мерейтойына арналған бұл айтулы шараға Қазақстанның барлық өңірлерінен және алыс-жақын шет елдерден – Түрікменстан, Өзбекстан, Моңғолия, Қытай мемлекеттерінен 130-дан астам оқушы мен 50-ден аса жетекші қатысып, білім мен өнер сайысына түсті.

Байқау бес номинация бойынша өтті. Солардың бірі — «Сөз өнеріндегі ұлы Абай бейнесі» номинациясы бойынша Ақтау қаласындағы №16 С.Мұқашев атындағы мектептің 10 “А” сынып оқушысы Жолдасбаева Аружан жүлделі III орынға ие болып, жеңіс биігінен көрінді.

Жетекшісі: қазақ тілі мен әдебиеті пәнінің білікті ұстазы Амандық Айжұлдыз Амантайқызы.

Жеңісті күндеріміз көп болғай! Жас дарын иелерінің талабына нұр жаусын!